USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
BBC News Azərbaycan fəaliyyətini dayandırdı
Azərbaycan hökuməti BBC News Azərbaycancanın Bakıda fəaliyyətinin dayandırılmasına göstəriş verib.
BBC bu gün yaydığı bəyanatında bildirib ki, Azərbaycan Xarici İşlər Nazirliyindən şifahi göstəriş aldıqdan sonra ölkədə ofisini bağlamaqla bağlı "könülsüz qərar" qəbul edib.
''Biz mətbuat azadlığına qarşı bu məhdudlaşdırıcı addımdan dərin təəssüf hissi keçiririk’’, - BBC-nin sözçüsü qərar belə şərh edib.
BBC bəyan edib ki, bu qərar Azərbaycana və Azərbaycandan xəbər verilməsi fəaliyyətinə əngəl yaradacaq.
Media qurumu bildirir ki, XİN-dən hökumətin qərarını şərh etmək xahişinə cavab verilməyib.
Bəyanatda deyilir ki, BBC-yə bu tələb yalnız şifahi şəkildə çatdırılıb, şirkət Azərbaycan hökumətindən yazılı heç nə almayıb və bir sıra kanallar vasitəsilə məsələyə aydınlıq gətirməyə çalışıb.
“BBC -nin Bakıdakı jurnalist komandası işini dayandırıb , amma Azərbaycan dilində xəbər verməyə davam edəcək”, - bəyanatda vurgulanır.
