USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ciddi hesabat blankları ilə bağlı qaydalara dəyişiklik edildi
Nazirlər Kabineti 27 avqust 2004-cü il tarixli qərarı ilə təsdiq edilmiş “Müəssisə və təşkilatların, habelə sahibkarlıqla məşğul olan fiziki şəxslərin iş xüsusiyyətlərinə uyğun olaraq ciddi hesabat blanklarının tərtibi və tətbiqi Qaydaları”na dəyişiklik edib.
Bununla bağlı Baş nazir Əli Əsədov yeni qərar imzalayıb.
Qərara əsasən, ciddi hesabat blankları (Hökumət Ödəniş Portalı, “ASAN ödəniş” informasiya sistemi, “Azərbaycan Hava Yolları”, “Azərbaycan Dəmir Yolları” və “Azərpoçt”un müvafiq informasiya sistemlərinin çıxarışları istisna olmaqla) bu fəaliyyəti həyata keçirən hüquqi və fiziki şəxslər tərəfindən sifarişçilərin vəsaiti hesabına çap ediləcək.
Həmçinin müəyyən edilib ki, Hökumət Ödəniş Portalı və “ASAN ödəniş” sisteminin çıxarışlarının uçotu qaydaları müvafiq olaraq Azərbaycan Respublikasının Mərkəzi Bankı və Vətəndaşlara Xidmət və Sosial İnnovasiyalar üzrə Dövlət Agentliyi tərəfindən, nəqliyyat və poçt sistemlərinə aid çıxarışların uçotu qaydaları isə Rəqəmsal İnkişaf və Nəqliyyat Nazirliyi tərəfindən müəyyən olunacaq.
Qeyd edilib ki, qaydalardakı bəzi müddəalar sadalanan elektron ödəniş və informasiya sistemlərinin çıxarışlarına şamil edilmir.
