USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Jurnalist Anar Abdulla təqsirləndirilən şəxs qismində tanınıb
Müstəqil jurnalist Anar Abdulla hüquq müdafiəçisi Anar Məmmədliyə qarşı açılmış cinayət işi çərçivəsində təqsirləndirilən şəxs qismində tanınıb.
Jurnalist aprelin 8-də Baş Prokurorluğun İstintaq İdarəsinə çağırılıb.
Ona qarşı Cinayət Məcəlləsinin qanunsuz sahibkarlıq, yalançı sahibkarlıq, qaçaqmalçılıq, vergiləri, işsizlikdən sığorta, icbari tibbi sığorta və ya məcburi dövlət sosial sığorta haqlarını ödəməkdən yayınma, qaçaqmalçılıq əlbir olan bir qrup şəxs tərəfindən törədildikdə və rəsmi sənədləri, dövlət təltiflərini, möhürləri, ştampları, blankları saxtalaşdırma maddələri ilə ittiham irəli sürülüb.
Bu barədə Meydan TV-yə məlumatı onun vəkili Günay İsmayılova verib.
Anar Abdulla sərbəst buraxılsa da, polisin nəzarətinə verilib.
Seçkilərin Monitorinqi və Demokratiyanın Tədrisi Mərkəzinin direktoru Anar Məmmədli 2024-cü il aprelin 29-da saxlanılıb və qabaqcadan əlbir olan bir qrup şəxs tərəfindən qaçaqmalçılıq maddəsilə ittiham olunur.
Hüquq müdafiəçisi özünü təqsirli saymır və bildirir ki, seçkilərin monitorinqi, insan hüquqlarının müdafiəsilə bağlı fəaliyyətinə görə cəzalandırılıb.
Anar Məmmədli bundan əvvəl də 2014-cü ildə QHT-lərlə bağlı cinayət işi üzrə həbs olunub və 2 il 4 ay həbsdə saxlandıqdan sonra Prezidentin əfv sərəncamı ilə azadlığa buraxılıb.
