USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bəhruz Səmədov 16 il həbs tələbinə etiraz olaraq ölüm aclığına başlayıb
Həbsdə olan sülh fəalı və tədqiqatçı Bəhruz Səmədov dövlət ittihamçısının onun üçün 16 il həbs cəzası tələb etməsinə etiraz olaraq ölüm aclığına başladığını bildirib. Məlumatı onun yaxınları Toplum TV-yə təsdiqləyib.
Yaxınlarının sözlərinə görə, Səmədov iyunun 20-də saxlandığı təcridxanaya gətirilən ərzaqlardan imtina edib və artıq 3 gündür aclıq aksiyasına başladığını bəyan edib.
İyunun 20-də keçirilən məhkəmə iclasında dövlət ittihamçısı Bəhruz Səmədovun 16 il müddətinə azadlıqdan məhrum edilməsini istəyib. Məhkəmə prosesinin növbəti iclası iyunun 23-nə təyin olunub. Gözlənilir ki, bu, Səmədovun sonuncu məhkəmə iclası olacaq və o, son sözlə çıxış edəcək.
Çexiyanın Karlov Universitetində doktorantura təhsili alan Bəhruz Səmədov 2024-cü il avqustun 21-də Dövlət Təhlükəsizliyi Xidmətinin əməkdaşları tərəfindən saxlanılıb. Ona qarşı dövlətə xəyanət ittihamı irəli sürülüb. İttihama görə, Səmədov Ermənistanın xüsusi xidmət orqanları ilə əməkdaşlıqda və erməni əsilli şəxslərə məlumat ötürməkdə təqsirləndirilir.
Bəhruz Səmədov irəli sürülən ittihamları rədd edir və ona qarşı irəli sürülən iddiaların əsassız olduğunu bildirir.
