USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Toplum TV işi” üzrə məhkəmədə ittiham aktı elan olundu, jurnalistlər özlərini təqsirli bilmədilər
İyunun 23-də Bakı Ağır Cinayətlər Məhkəməsində “Toplum TV işi” üzrə növbəti məhkəmə prosesi keçirilib. Prosesə hakim Azər Tağıyev sədrlik edib.
Məhkəmə iclasında dövlət ittihamçısı ittiham aktını tam şəkildə elan edərək yekunlaşdırıb. Daha sonra təqsirləndirilən şəxslərin ittiham aktına münasibəti soruşulub. Onların heç biri irəli sürülən ittihamları qəbul etməyib və özlərini təqsirli bilmədiklərini bəyan ediblər.
Həbs olunan jurnalistlərdən biri, Müşviq Cabbar çıxışı zamanı istintaq zamanı yaşadığı absurd vəziyyətlərə diqqət çəkib:
“Məndən istintaqda soruşdular ki, qaça bilirsən? Dedim hə, hələ məktəb vaxtı daha sürətli qaçırdım. Dedilər, onda demək, sən qaçaqmalçılıq edə bilərsən. Sonra soruşdular ki, sən heç Sumqayıtdan Bakıya gələndə yolüstü adam götürmüsən? Dedim, tutaq ki, olub. Dedilər, belədirsə, demək, sən işə də adam götürə bilərsən. İstintaq bu cür aparılan işin ittiham aktı da elə özünün günündə olar”, – deyə Cabbar bildirib.
“Toplum TV işi” üzrə jurnalistlərə qarşı əsasən qaçaqmalçılıq və qeyri-qanuni maliyyə əməliyyatları ittihamları irəli sürülüb. Müdafiə tərəfi isə bu işin siyasi motivli və media azadlığını boğmağa yönəlmiş bir proses olduğunu bildirir.
Növbəti məhkəmə prosesi yaxın günlərdə davam etdiriləcək.
