USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ramil Babayev 28-ci doğum gününü həbsdə qeyd edib
Bu gün, iyunun 29-da “Toplum TV işi” üzrə həbs edilən ictimai fəal, Demokratik Təşəbbüslər İnstitutunun (DTİ) əməkdaşı Ramil Babayev 28 yaşını həbsdə qarşılayıb.
Ramil Babayev 2023-cü ilin martın 6-da “Toplum TV” media platformasına qarşı keçirilən əməliyyat zamanı saxlanılıb. Həmin əməliyyat çərçivəsində ümumilikdə 10 nəfər barəsində cinayət işi açılıb. Onların arasında III Respublika Platformasının spikeri Akif Qurbanov, qurumun üzvü Ruslan İzzətli, Toplum TV-nin həmtəsisçisi Ələsgər Məmmədli, jurnalistlər və media əməkdaşları da var.
Saxlanılan şəxslər əvvəlcə qaçaqmalçılıq maddəsi ilə ittiham olunsalar da, sonradan ittihamlar ağırlaşdırılıb. Onlar üzərlərinə qoyulan ittihamları qəbul etmir və həbslərinin siyasi motivli olduğunu bildirirlər.
Jurnalist Elmir Abbasov barəsində polis nəzarəti tədbiri seçilib. Toplum TV-nin redaktoru Şahnaz Bəylərqızı isə ilkin olaraq ev dustaqlığına buraxılsa da, daha sonra onun haqqında da polis nəzarətinə verilməklə qətimkan tədbiri seçilib.
2023-cü ilin noyabrından etibarən Azərbaycanda təxminən 30-a yaxın jurnalist və ictimai fəal qaçaqmalçılıq ittihamı ilə həbs olunub. Yerli və beynəlxalq insan haqları təşkilatları bu həbsləri medianın azad fəaliyyətinə təzyiq kimi qiymətləndirir.
Azərbaycan hökuməti isə bütün ittihamları rədd edir və bildirir ki, ölkədə heç kim peşə və siyasi fəaliyyətinə görə təqib olunmur, hüquq və azadlıqlar tam təmin edilir.
