USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Həmkarlar ittifaqı fəalı Elvin Mustafayevə qarşı yeni cəza: ümumi rejimdən ciddi rejimə
Elvin Mustafayev ciddi rejimli həbsxanaya köçürülüb
“İşçi Masası” Həmkarlar İttifaqı Konfederasiyasının üzvü Elvin Mustafayev 6 ay müddətinə ciddi rejimli həbsxanaya köçürülüb.
Bu barədə qərar iyulun 10-da Nizami Rayon Məhkəməsində hakim Nəriman Mehdiyevin sədrliyi ilə keçirilən iclasda qəbul olunub. Məhkəmə 6 saylı Cəzaçəkmə Müəssisəsinin təqdimatına baxaraq təqdimatı təmin edib.
Elvin Mustafayev daha əvvəl ictimai fəaliyyəti ilə bağlı siyasi motivli ittihamlarla həbs edilmişdi. Hüquq müdafiəçiləri və həmkarları onun barəsində çıxarılan bu yeni qərarı siyasi repressiyanın davamı kimi dəyərləndirirlər.
Qeyd edək ki, Elvin Mustafayev həbs olunmazdan əvvəl əmək hüquqlarının müdafiəsi ilə bağlı fəallığı ilə seçilirdi və “İşçi Masası” platforması çərçivəsində həmkarlar ittifaqı quruculuğunda iştirak edirdi.
