USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Toplum TV işi” üzrə növbəti məhkəmə iyulun 21-də baş tutacaq
İyulun 21-də Bakı Ağır Cinayətlər Məhkəməsində “Toplum TV işi” üzrə həbs edilən şəxslərin növbəti məhkəmə prosesi keçiriləcək. İclas saat 10:00-a təyin olunub.
Məhkəmə qarşısına çıxarılanlar sırasında “Toplum TV”nin həmtəsisçisi Ələsgər Məmmədli, jurnalistlər Müşfiq Cabbar və Fərid İsmayılov, “Demokratik Təşəbbüslər İnstitutu”nun (İDİ) rəhbəri Akif Qurbanov, “III Respublika Platforması”nın qurucu üzvü Ruslan İzzətli, İDİ əməkdaşları Əli Zeynal, Ramil Babayev və İlkin Əmrahov yer alır. Onlar hazırda həbsdə saxlanılır.
Ötən məhkəmə iclasında Akif Qurbanov ona qarşı irəli sürülən qaçaqmalçılıq və vergidən yayınma ittihamlarını rədd edərək bildirib ki, Demokratik Təşəbbüslər İnstitutunun Azərbaycanda qeydiyyatdan keçməsi üçün edilən cəhdlərə süni əngəllər yaradılıb. Bu səbəbdən təşkilat Gürcüstanda qeydiyyatdan keçməyə məcbur olub.
Jurnalist Fərid İsmayılov səhhətindəki problemləri əsas gətirərək, məhkəmə iclaslarında iştirak etməməsi üçün vəsatət verib. İDİ əməkdaşı Əli Zeynal isə bildirib ki, Penitensiar Xidmət əməkdaşları təqsirləndirilən şəxslərin müdafiəçilərinə təqdim etmək istədikləri qeydləri əllərindən alıb. Bu isə onların müdafiə hüquqlarının pozulması kimi qiymətləndirilib.
“Toplum TV işi” üzrə ümumilikdə 10 nəfərə qarşı cinayət işi açılıb. Onlardan jurnalist Elmir Abbasov polis nəzarətinə verilib, redaktor Şahnaz Bəylərqızı isə əvvəlcə ev dustaqlığına buraxılsa da, sonradan onun haqqında da polis nəzarətinə verilməklə qətimkan tədbiri seçilib.
2024-cü il martın 6-da hüquq-mühafizə orqanları “Toplum TV”nin ofisində əməliyyat keçirərək mətbuat qurumunun fəaliyyətini dayandırıb və ofisin qapısını möhürləyib. Əvvəlcə yalnız qaçaqmalçılıq maddəsi ilə ittiham olunan şəxslərə daha sonra vergi pozuntuları və digər ağır ittihamlar da əlavə olunub.
Təqsirləndirilənlər ittihamları qəbul etmir və həbslərinin siyasi sifarişlə həyata keçirildiyini
