USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanda ilk . Kriptovalyuta üzərinə həbs qoyulub
Azərbaycanda cinayət işi üzrə ilk dəfə kriptovalyuta üzərinə həbs qoyulub. Bu barədə qərar Dövlət Təhlükəsizliyi Xidmətində (DTX) açılmış iş çərçivəsində Səbail Rayon Məhkəməsi tərəfindən qəbul edilib.
Azərtac-ın məlumatına görə, məhkəmə B.H.R. və digər şəxslər barəsində başlanmış cinayət işi üzrə xüsusi müsadirəni təmin etmək məqsədilə onlara məxsus və cinayətin predmeti olan kriptovalyuta üzərinə həbs qoyulması barədə qərar çıxarıb. Qərarın icrası üçün beynəlxalq virtual aktiv xidməti təminatçılarına da müraciət edilib.
Azərbaycan İnternet Forumunun prezidenti Osman Gündüz bu addımı ölkədə ilk presedent kimi qiymətləndirib. Onun sözlərinə görə, kriptovalyuta üzərinə həbsin qoyulması virtual aktivlərin hüquqi statusunun möhkəmlənməsi və rəqəmsal cinayətkarlıqla mübarizədə yeni mərhələnin başlanğıcıdır.
Ekspert xatırladıb ki, Azərbaycanda hələ virtual aktivlər haqqında qanun qəbul edilməyib, lakin Mərkəzi Bank bu istiqamətdə qanun layihəsinin hazırlandığını bildirib.
Müsadirə olunan kriptovalyutanın taleyinə gəlincə, beynəlxalq təcrübəyə əsasən, belə aktivlər ya hərrac vasitəsilə satılır, ya da dövlət ehtiyatlarına yönləndirilir.
