USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bəhruz Səmədovun məhkəmə hökmü qüvvədə saxlanılıb
Həbsdə olan elmi tədqiqatçı və sülh fəalı Bəhruz Səmədov barəsində Bakı Ağır Cinayətlər Məhkəməsinin çıxardığı 15 illik həbs cəzası qüvvədə saxlanılıb.
Sentyabrın 3-də Bakı Apellyasiya Məhkəməsində hakim Elmar Rəhimovun sədrliyi ilə keçirilən qapalı iclasda Səmədovun verdiyi şikayətə baxılıb və əvvəlki hökm təsdiqlənib.
Səmədovun yaxınları fəalın sentyabrın 4-dən etiraz əlaməti olaraq quru aclığa başlayacağını açıqlayıb.
Qeyd edək ki, Çexiyanın Karlov Universitetinin doktorantı olan Bəhruz Səmədov 2024-cü il avqustun 21-də Dövlət Təhlükəsizliyi Xidmətinin əməkdaşları tərəfindən həbs olunub. 2025-ci il iyunun 23-də isə Bakı Ağır Cinayətlər Məhkəməsinin hökmü ilə 15 il azadlıqdan məhrum edilib.
Səmədov dövlətə xəyanət ittihamı ilə üzləşir. İttiham aktına görə, onun Ermənistan xüsusi xidmət orqanları ilə əməkdaşlıq etdiyi iddia olunur. Fəal isə məhkəmələrdən birində heç vaxt Dağlıq Qarabağın Ermənistan ərazisi olduğunu demədiyini və daim sülh tərəfdarı olduğunu vurğulayıb, müharibəyə və insanların ölümü ilə nəticələnən qarşıdurmalara qarşı olduğunu bildirib.
