Həbsdə olan ictimai fəal və “Yoldaş Media”nın təsisçisi Əhməd Məmmədlinin cinayət işi üzrə baxış iclası sentyabrın 18-də Bakı Ağır Cinayətlər Məhkəməsində keçirilib.

İclasda vəkil müdafiə etdiyi şəxsin şüşə qəfəs arxasında deyil, vəkilin yanında əyləşməsini xahiş edib; məhkəmə bu vəsatəti təmin edib. Daha sonra dövlət ittihamçısı ittiham aktını elan edib. Məmmədli elan edilmiş ittiham üzrə özünü təqsirli bilməyib.

Məhkəmə əvvəlcə təqsirləndirilən şəxsin, sonra zərərçəkmiş qismində tanınan şəxsin dindirilməsi barədə qərar verib. Müdafiə tərəfindən zərərçəkmişin məhkəmədə ifadə verməsi ilə bağlı verilən vəsatət təmin olunmayıb. Zərərçəkmişin məhkəmədə iştirakı ilə bağlı növbəti iclas 2 oktyabr 2025-ə təyin edilib.

Məhkəmədə çıxış edən Əhməd Məmmədli saxlanıldığı gün baş verənləri belə təsvir edib: taksidə olduğu zaman maşının kor nöqtədə saxlandığını, onu çölə çıxarıb yerə atdıqlarını, daha sonra Vüqar Dünyamalıyev adlı şəxsin ona hücum etdiyini, bədəninə elektrik cərəyanı verildiyini və gözündən qan gəldiyini bildirib. Məmmədli deyib ki, bu zaman anladıb ki, artıq polis tərəfindən saxlanılıb və ondan “Hansı mediada işləyirsən? Kimin məhkəməsinə getmisən?” kimi suallar alınıb. O, işgəncə iddialarını və hadisənin polis tərəfindən “sənaryoya” salındığını da söyləyib.

Əhməd Məmmədli 6 may 2025-də saxlanılıb, 8 may tarixində barəsində 4 aylıq həbs-qətimkan tədbiri seçilib. Ona qarşı Cinayət Məcəlləsinin sağlamlığa qəsdən ağır zərər vurma və xuliqanlıq maddələri ilə ittihamlar irəli sürülüb. Məmmədli ittihamları rədd edərək bunun keçmiş siyasi-ictimai və hazırkı jurnalist fəaliyyətinə görə təqib olduğunu bildirir.

Məhkəmə işinin növbəti iclasında zərərçəkmişin məhkəmədə iştirakı ilə bağlı məsələ müzakirə ediləcək; proses davam edir.