USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
27 sentyabr Azərbaycanda Anım Günüdür
Bu gün Azərbaycanda Vətən müharibəsi şəhidlərinin xatirəsinə həsr olunmuş Anım Günü qeyd olunur.
Artıq beşinci ildir ki, Prezident İlham Əliyevin 2 dekabr 2020-ci il tarixli sərəncamına əsasən, sentyabrın 27-si ölkə üzrə Anım Günü kimi anılır.
Ərazi bütövlüyü uğrunda canından keçən qəhrəman şəhidlərimizin əziz xatirəsi ilə əlaqədar bu gün ölkənin bütün bölgələrində və xaricdə tədbirlər keçiriləcək. Məscidlərdə, kilsələrdə və sinaqoqlarda onların ruhuna dualar oxunacaq. Saat 12:00-da isə ölkə ərazisində bir dəqiqəlik sükut elan olunacaq.
Xatırladaq ki, 2020-ci ilin 27 sentyabrında Ermənistanın hərbi təxribatlarına cavab olaraq Azərbaycan Ordusu əks-hücum əməliyyatlarına başlayıb və 44 gün davam edən Vətən müharibəsi Azərbaycanın qələbəsi ilə başa çatıb. Bu uğur 2 908 şəhidimizin qanı bahasına əldə olunub.
2023-cü ilin sentyabrında isə Qarabağda keçirilən lokal xarakterli antiterror tədbirləri nəticəsində separatçı rejim ləğv edilib, Azərbaycan öz ərazi bütövlüyünü tam bərpa edib. Həmin əməliyyatlarda da 192 hərbi qulluqçu şəhidlik zirvəsinə yüksəlib.
Allah bütün şəhidlərimizə rəhmət eləsin!
