USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Putindən orden alan Yaqub Eyyubov “İstiqlal” ordeni ilə təltif edildi
Azərbaycan Prezidenti İlham Əliyev Baş nazirin birinci müavini Yaqub Eyyubovu “İstiqlal” ordeni ilə təltif edib.
Təltif mərasimində çıxış edən dövlət başçısı bildirib ki, Yaqub Eyyubov uzun illər dövlət xidmətində göstərdiyi fəaliyyətlə yüksək qiymətə layiqdir:
“22 il ərzində prezidentlik dövrümdə sizə dəfələrlə etimad göstərmişəm, hər prezident seçkilərindən sonra sizi həmin vəzifəyə yenidən təyin edirdim. Bu gün sizə bu dövlət mükafatını təqdim edərkən demək istəyirəm ki, mən sizin işinizdən razıyam.”
Yaqub Eyyubov 2003-cü ildən etibarən Azərbaycanın baş nazirinin birinci müavini vəzifəsində çalışır.
Qeyd edək ki, 2016-cı ilin mart ayında Rusiya Prezidenti Vladimir Putin Yaqub Eyyubovu “Dostluq” ordeni ilə təltif etmişdi. Bu mükafat ona Azərbaycanla Rusiya arasında dostluq və əməkdaşlığın möhkəmləndirilməsinə, eləcə də iqtisadi və mədəni əlaqələrin inkişafına verdiyi töhfələrə görə verilmişdi.
