USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Seçki saxtakarı Məzahir Pənahov yola salınır: MSK-da yeni sədr gəlir
Mərkəzi Seçki Komissiyasının (MSK) tərkibi yaxın aylarda yenidən formalaşdırılacaq. Bu barədə MSK-dakı mənbə məlumat verib.
Məlumata görə, qurumun buraxılması ilə bağlı qərar yaxın 3 ay ərzində elan olunacaq. Yeni tərkibin isə gələn ilin mart ayında seçilməsi planlaşdırılır.
Mənbə bildirib ki, uzun illərdir MSK-ya rəhbərlik edən Məzahir Pənahovun yenidən sədr seçilməsi gözlənilmir. O, 74 yaşında olmasına baxmayaraq, “çemodan əhval-ruhiyyəsində”dir və postunu tərk etməyə hazırlaşır.
Qeyd olunur ki, Pənahovun yenidən seçilməməsinə səbəb son aylarda oğlunun adı ətrafında yaranan qalmaqal və ictimai narazılıqlardır.
Siyasi kuluarlarda artıq yeni sədrin adı da hallanır. Məlumatlara əsasən, MSK sədrinin müavini Rövzət Qasımov quruma rəhbərlik edəcək əsas namizəd kimi irəli sürülüb.
Rövzət Qasımov 23 oktyabr 2019-cu ildən MSK sədrinin müavini vəzifəsində çalışır və komissiyanın fəaliyyəti ilə bağlı əsas qərarların hazırlanmasında mühüm rol oynayır.
Hazırda rəsmi təsdiq olmasa da, seçki qurumunda islahatların başlanması və rəhbərliyin yenilənməsi istiqamətində hazırlıqlar aparıldığı bildirilir.
