USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əli Kərimli barəsində həbs qətimkan tədbiri seçildi
Azərbaycan Xalq Cəbhəsi Partiyasının (AXCP) sədri Əli Kərimli barəsində məhkəmə tərəfindən həbs qətimkan tədbiri seçilib.
Bu gün Səbail rayon Məhkəməsində hakim Ülviyyə Şükurovanın sədrliyi ilə keçirilən iclasda onun barəsində qətimkan tədbirinin seçilməsi ilə bağlı təqdimata və müdafiə tərəfinin vəsatətinə baxılıb.
Məhkəmənin qərarına əsasən, Əli Kərimli 2 ay 15 gün müddətinə həbs edilib.
Qeyd edək ki, Dövlət Təhlükəsizliyi Xidməti tərəfindən saxlanılan Əli Kərimli və AXCP Rəyasət Heyətinin üzvü Məmməd İbrahim barəsində Cinayət Məcəlləsinin 278.1-ci maddəsi — “hakimiyyəti zorla ələ keçirməyə, dövlətin konstitusiya quruluşunu zorla dəyişdirməyə yönələn hərəkətlər” ittihamı irəli sürülüb.
Hər iki şəxs Prezident Administrasiyasının sabiq rəhbəri Ramiz Mehdiyev barəsində başlanılmış cinayət işi çərçivəsində saxlanılıb.
