Redaksiyamıza Xaçmaz şəhəri, Sabir küçəsinin sakinləri tərəfindən olunan müraciəti diqqətinizə çatdırırıq.
Dövlət proqramına əsasən 2019-cu ildə Xaçmaz şəhərinin su və kanalizasiya sistemi yenidən quruldu. Yeni xətlər çəkildi. Küçələr asfaltlandı. Lakin Sabir küçəsinin 100 metrlik yolu tam olaraq asfaltlanmadı. Sakinlər haqlı olaraq dəfələrlə sabiq icra başçısı Şəmsəddin Xanbabayevə müraciət etsələr də, məsələ öz həllini tapmadı.
Sakinlərin müraciətində qeyd olunur ki, yeni təyin olunan icra hakimiyyətinin başçısı cənab Elnur Rzayev Xaçmaz rayonunun və vətəndaşlarının problemlərini ən qısa vaxtda həll olunması üçün usanmadan çalışır. Problemlərin həll olunması üçün müvafiq qurumlara öz tapşırıqlarını verir. Sakinlər ümid edirlər ki, onların yol problemi cənab Elnur Rzayevin tapşırığı ilə müsbət həllini tapacaq.
Redaksiyamız, yol probleminin həll olunması üçün sakinlərin müraciətini diqqət mərkəzimizdə saxlayacaq. Yeni icra hakimiyyətinin başçısı Elnur müəllimin tapşırığı ilə asfalt örtüyünün ən qısa vaxtda çəkilməsinə ümid edərək nəticəni təkrar işıqlandıracaq.