44 günlük "Vətən müharibəsi" -dən sonra qədim Şuşamız müzəffər ordumuz tərəfindən azad olundu. Əzəli və əbədi torpaqlarımız öz sahiblərinə qaytarıldı. Ölkə başçısı İlham Əliyev ilkin olaraq 2 milyard manat azad olunmuş torpaqlarımızda yenidənqurma və abadlaşdırılma işlərinə pul ayırdı. Çox sürətlə bu işlər görülür. Amma görülən işlər heç bir dünya standartlarına cavab vermir. Bu şirkətlər yenə də oğurluq, korrupsiya əməllərinə son qoymur ki, qoymur.

İndi də "Zəfər Yolunun" asfaltlanmasına başlanılıb. Yola diqqət yetirsək görərsiz ki, çəkilən bu yol dar olması ilə yanaşı, yol çiynindən təxminən bir metr hündürlükdədir. Bu dar yolda hərəkət edən avtomobilin yoldan çıxması qəzanın qaçılmaz edəcək. Avtomobil hündür asfalt yolundan çıxarsa hökmən hündürlükdən aşacaq və ölüm hadisələri qaçılmaz olacaq.

Başqa bir problem çəkilən yeni yolların işıqlandırılmamasıdır. Heç bir dünya standartlarına cavab verməyən bu yolları tikən Azəryol dövlətin milyonlarını oğurlamaqla məşğuldur. Gözə kül üfürüb dövlət başçısını v ə xalqı aldatmaqdır.

Buna bariz nümunə Bakı-Quba yolu bərbad gündə pımasıdır.Bu yolu yenidən asfaltlamaqla yuksək səviyyəyə çatdırmaq olardı. Amma "ağıllı cibgirlər" Yeni Pullu Yol adı altında milyonları oğurlamaqda davam edir. Yeni yol da guya dünya standartlarına uyğun tikilir. Amma bu yolun da, işıqlandırılması tam yoxdur.

Ümid edək ki, həqiqətən göstərilən bu problem və nöqsanlar məsul qurumlar tərəfindən nəzərə alınacaq və rahat, təhlükəsiz yollar çəkilərək xalqın istifadəsinə veriləcək.