USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Lerikdə Dəhşətli Qətl: Müharibə Veteranı Həbs Edildi
Lerik rayonunda bir neçə gün əvvəl itkin düşən 35 yaşlı Şahin Musa oğlu Şərifovun meyiti tapılıb. Onun xüsusi amansızlıqla qətlə yetirildiyi bildirilir.
İyunun 1-də itkin düşən Şahin Şərifovun meyiti rayonun Monidigah kəndi ərazisində, çay kənarında aşkarlanıb. İlkin məlumata görə, mərhumun baş və bədən nahiyələrində güllə yaraları aşkarlanıb.
Daxili İşlər Nazirliyi və Baş Prokurorluğun əməkdaşlarının birgə keçirdiyi əməliyyat-axtarış tədbirləri nəticəsində cinayət əməlini törətməkdə şübhəli bilinən şəxs — Lerik rayon sakini, 34 yaşlı müharibə veteranı Elşən Ağayev saxlanılaraq istintaqa cəlb olunub.
Axtarış zamanı E.Ağayevin yaşadığı evdən cinayətdə istifadə edildiyi ehtimal olunan, nömrəsi silinmiş “Makarov” markalı tapança, 1 ədəd patron darağı və 159 ədəd patron aşkar edilərək maddi sübut kimi götürülüb.
Faktla bağlı Cinayət Məcəlləsinin müvafiq maddələri üzrə cinayət işi başlanıb, istintaq davam etdirilir.
Hadisənin motivi və digər təfərrüatları araşdırılır.
