USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tehranın cümə imamının oğlu və gəlini həbs edildi
İranda tanınmış din xadimi, Tehranın cümə imamı Kazım Sadiqinin ailə üzvləri korrupsiya ittihamları ilə həbs olunublar. Bu barədə “Azad İran” “Telegram” kanalı məlumat yayıb.
Məlumata əsasən, Kazım Sadiqinin iki oğlu İslam İnqilabı Keşikçiləri Korpusunun (SEPAH) kəşfiyyat qüvvələri tərəfindən saxlanılıb. Ardınca isə din xadiminin gəlininin də həbs olunduğu bildirilir.
İttihamların kökündə isə 2023-cü ildə baş vermiş dövlət əmlakı ilə bağlı qalmaqal dayanır. Belə ki, Kazım Sadiqi və ailə üzvləri Tehranın şimalında yerləşən, dəyəri 20 milyon dollardan çox olan dövlət torpaqlarının qanunsuz mənimsənilməsində ittiham olunurlar.
Hazırda məsələ ilə bağlı rəsmi orqanlardan açıqlama verilməsə də, hadisə ictimaiyyət arasında ciddi rezonans doğurub. İstintaq davam edir.
