USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xameneinin baş müşaviri Əli Şamxani öldürülüb
İranın ali dini lideri Ayətullah Əli Xameneinin baş müşaviri Əli Şamxaninin İsrailin hava zərbəsi nəticəsində öldüyü bildirilir.
İran mətbuatının yaydığı məlumata görə, Şamxani evinə endirilmiş hava zərbəsi zamanı ağır yaralanıb və xəstəxanada dünyasını dəyişib. Hücumun İsrail tərəfindən həyata keçirildiyi iddia olunur.
Əli Şamxani uzun illər İranın yüksək təhlükəsizlik və hərbi strukturlarında mühüm vəzifələrdə çalışıb. O, əvvəllər İranın Ali Milli Təhlükəsizlik Şurasının katibi və müdafiə naziri olub, həmçinin Ayətullah Xameneinin xarici və hərbi məsələlər üzrə əsas müşavirlərindən biri sayılırdı.
Hazırda İran tərəfi rəsmi açıqlama yaymayıb. Hücumun detalları və nəticələri ilə bağlı araşdırmalar davam edir.
