USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gəncədə güllələnmə ilə nəticələnən qətl hadisəsi baş verib
Gəncə şəhərinin Cavadxan qəsəbəsində qətl hadisəsi baş verib. İki iritonnajlı yük maşını sürücüsü arasında baş verən mübahisə qanla nəticələnib.
İlkin məlumata görə, mübahisə zamanı sürücülərdən biri – Vüqar Əhmədov yaşadığı evin yaxınlığında odlu silahla vurularaq güllələnib və aldığı ağır xəsarətlərdən hadisə yerində həyatını itirib.
Mərhumun qonşuları bildiriblər ki, Əhmədov uzun müddətdir qəsəbədə yaşayırmış və mehriban, sakit təbiətli insan kimi tanınıb: “Çox insan adam idi. Ailəsinə, qonum-qonşuya qarşı mehriban olub. Ondan heç kim narazı ola bilməzdi,” – deyə qonşusu Sahilə Rzayeva bildirib.
Hadisədən dərhal sonra Gəncə Şəhər Prokurorluğunda cinayət işi başlanıb. Qətli törətməkdə şübhəli bilinən Göygöl rayon sakini, 45 yaşlı Röyal Hətəmov saxlanılıb.
İstintaq davam edir.
