Tovuz rayon prokurorluğunun məlumatına əsasən mayın 5-i saat 18 radələrində rayonun Əyyublu kənd sakini, 1986-cı il təvəllüdlü Bəxtiyar Əkbərov bıçaq xəsarəti nəticəsində ölüb.

Aparılan araşdırma zamanı zərərçəkmişin həmkəndlisi, 1988-ci il təvəllüdlü Tural Hüseynovun şəxsi münasibətlər zəminində aralarında yaranmış mübahisə zamanı Bəxtiyar Əkbərovun ürək nahiyəsinə bıçaqla xəsarət yetirərək onu qəsdən öldürməsinə əsaslı şübhələr müəyyən edilib.

Faktla bağlı Tovuz Rayon Prokurorluğunda Cinayət Məcəlləsinin 120.1-ci (Qəsdən adam öldürmə) maddəsi ilə cinayət işi başlanılıb.

Tural Hüseynov şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq davam edir.