USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xaçmazda iki qardaş ögey ailə üzvləri tərəfindən illərlə işgəncəyə məruz qalıb
Xaçmaz rayonunun Yergüc kəndində dəhşətli zorakılıq faktı üzə çıxıb. Bizim.Media xəbər verir ki, kənd sakinləri – 33 yaşlı Ələsgər Əspəndiyev və 27 yaşlı qardaşı Əmiraslan Əspəndiyev ögey qardaşları və onun ailəsi tərəfindən illərlə işgəncələrə məruz qalıblar.
Məlumata görə, onların ögey qardaşı İlyas Əspəndiyev, həyat yoldaşı Yeganə Əspəndiyeva və oğlu Elşən Əspəndiyev tərəfindən Ələsgərə və Əmiraslana 14 ildən artıq müddətdə fiziki zorakılıq göstərilib. Nitq qüsurlu olan Ələsgərlə qardaşı Əmiraslanın davamlı şəkildə döyüldüyü, təhqir edildiyi və şəxsi təsərrüfatda məcburi şəkildə işlədildiyi məlum olub.
Hadisə ilə bağlı ilkin məlumat Yergüc İnzibati Ərazi Nümayəndəliyinə daxil olub və aparılan araşdırmalardan sonra məsələ Xaçmaz Rayon Prokurorluğuna ötürülüb.
Daxili İşlər Nazirliyinin Mətbuat Xidmətinin Quba regional qrupunun baş inspektoru, polis baş leytenantı Xəyal Talıbov Bizim.Media-nın sorğusuna cavab olaraq bildirib ki, məsələ Xaçmaz Rayon Polis Şöbəsi tərəfindən nəzarətə götürülüb: “Daxil olan məlumat üzrə araşdırma aparılır. Müvafiq ekspertiza təyin edilib. Ekspertizanın rəyindən asılı olaraq xəsarətin dərəcəsi müəyyən ediləcək və hadisəyə hüquqi qiymət veriləcək.”
Hazırda hüquq-mühafizə orqanları faktla bağlı araşdırmanı davam etdirir. Hadisə ictimaiyyətdə böyük rezonans doğurub.
