USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İzmirdə polislərin qətlinə görə 27 nəfər saxlanılıb
İzmirin Balçova rayonunda polis idarəsinə edilən silahlı hücumla bağlı istintaq davam edir. Hadisə nəticəsində 2 polis əməkdaşı şəhid olub, onlardan ikisi polis olmaqla 3 nəfər yaralanıb.
Türkiyə mətbuatının məlumatına görə, İzmir Respublika Baş Prokurorluğunun rəhbərliyi altında aparılan istintaq çərçivəsində İl Təhlükəsizlik Müdirliyinin Terrorla Mübarizə Şöbəsi genişmiqyaslı əməliyyat həyata keçirib. Əməliyyat nəticəsində ümumilikdə 27 nəfər saxlanılıb.
İstintaq materiallarına əsasən, hücumu törədən və yaralı halda yaxalanan 16 yaşlı E.B., onun valideynləri – anası A.B. və atası N.B., həmçinin dostları A.K. və D.Ş. həbs edilənlər arasındadır. Bundan əlavə, İstanbulda İran əsilli K.N. və digər şübhəlilər də saxlanılan şəxslər sırasındadır.
Hadisə ilə bağlı araşdırmalar davam etdirilir.
