USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda gecə klubunda soyğunçuluq – iki nəfər saxlanıldı
Səbail rayonunda yerləşən gecə klublarından birində soyğunçuluq hadisəsi baş verib.
Məlumata görə, bir qrup şəxs qonaq qismində olan iki nəfəri kəsici-deşici alətlə hədələyərək onların 800 manatını ələ keçirib.
Səbail Rayon Polis İdarəsinin 9-cu Polis Bölməsi əməkdaşlarının keçirdiyi tədbirlər nəticəsində soyğunçuluq əməlini törətməkdə şübhəli bilinən, əvvəllər dəfələrlə məhkum olunmuş 37 yaşlı Emil Həsənov və 35 yaşlı Şəhriyar Məmmədov saxlanılıb.
Araşdırmalar zamanı məlum olub ki, hadisə hesab ödəmək üstündə yaranan mübahisədən sonra baş verib və açıq talama yolu ilə pul vəsaiti ələ keçirilib.
Faktla bağlı Cinayət Məcəlləsinin müvafiq maddəsi ilə cinayət işi başlanılıb. Məhkəmənin qərarı ilə hər iki şəxs barəsində həbs qətimkan tədbiri seçilib.
Əməliyyat-istintaq tədbirləri davam etdirilir.
