USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Astarada PUA vasitəsilə narkotik gətirən şəxs saxlanılıb
Astarada pilotsuz uçuş aparatı (PUA) vasitəsilə ölkə ərazisinə külli miqdarda narkotik vasitə gətirilməsinin qarşısı alınıb.
Daxil olan əməliyyat məlumatı əsasında Astara Rayon Polis Şöbəsinin əməkdaşları xüsusi əməliyyat tədbiri keçiriblər. Nəticədə, əvvəllər məhkum olunmuş 32 yaşlı Rövşən Axundzadə saxlanılıb.
Araşdırmalar zamanı müəyyən edilib ki, Rövşən Axundzadə İranda yaşayan narkotacirlə əvvəlcədən sövdələşərək, PUA vasitəsilə göndərilən 4 kiloqrama yaxın marixuananı qəbul edib.
Əməliyyat tədbirlərinin davamı olaraq, onun əvvəlki dövrdə eyni üsulla əldə edərək Qapıçıməhəllə kəndi ərazisindəki naringi bağında gizlətdiyi daha 4 kiloqram marixuana da aşkarlanaraq götürülüb.
Faktla bağlı araşdırma aparılır.
