USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azər Maqsudova hökm oxunub – 4 il azadlıqdan məhrum edildi
Tanınmış alim Arif Acaloğlunun ölümü ilə nəticələnən yol qəzası işi üzrə təqsirləndirilən Kliniki Tibbi Mərkəzin (KTM) Toksikologiya şöbəsinin müdiri Azər Maqsudov barəsində məhkəmə hökm çıxarıb.
Sabunçu Rayon Məhkəməsində hakim Teymur Həsənovun sədrliyi ilə keçirilən prosesdə Azər Maqsudov Cinayət Məcəlləsinin 263.2-ci maddəsi (yol hərəkəti və ya nəqliyyat vasitəsinin istismarı qaydalarının pozulması – ehtiyatsızlıqdan insan ölümü ilə nəticələndikdə) ilə təqsirli bilinib.
Məhkəmənin hökmü ilə Azər Maqsudov:
• 4 il müddətinə azadlıqdan məhrum edilib,
• 1 il 6 ay müddətinə avtomobil idarə etmək hüququndan məhrum olunub.
Cəza məntəqə tipli cəzaçəkmə müəssisəsində icra olunacaq.
Məhkəmə həmçinin zərərçəkən tərəfin qaldırdığı mülki iddianı baxılmamış saxlayıb.
Prosesdə çıxış edən dövlət ittihamçısı, təqsirləndirilən şəxsin 5 il 6 ay müddətinə azadlıqdan məhrum edilməsini tələb etmişdi.
Xatırladaq ki, qəza 2023-cü ilin noyabrında Sabunçu rayonu ərazisində baş vermişdi. Hadisə nəticəsində tanınmış alim Arif Acaloğlu həyatını itirmişdi.
