USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Anar Əsədliyə ittiham elan olundu
Ləğv edilmiş Yüksəliş Partiyasının sədri Anar Əsədlinin cinayət işi üzrə məhkəmədə növbəti iclas keçirilib.
Məhkəmədə dövlət ittihamçısı təqsirləndirilən şəxsə ittiham aktını elan edib. İttihama əsasən, Anar Əsədli yüksək gəlir vəd etməklə tanışı Oqtay Qasımovdan müxtəlif vaxtlarda ümumilikdə 255 min manat məbləğində pul alıb və ondan yalnız 23 manat geri qaytarıb.
İttiham aktında həmçinin qeyd olunur ki, Əsədli Etibar Nəsirovdan 8 min 500 manat alıb və bu məbləğin 3400 manatını, Hüseyn İlhamdan aldığı 17 min manatın isə 4250 manatını geri ödəyib. O, Tamara Allahverdiyevadan da ümumilikdə 78 min 500 manat aldığı, dəyən ziyanın isə yalnız 17 min manatını ödədiyi bildirilir.
Anar Əsədli məhkəmədə özünü ittiham üzrə təqsirli bilmədiyini deyib.
İş üzrə növbəti məhkəmə prosesi 19 dekabr tarixinə təyin edilib.
