USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Fikrət Cəfərli azadlığa çıxıb
İşgəncələr Əleyhinə Araşdırmalar Mərkəzinin sədri Fikrət Cəfərli azadlığa buraxılıb. Bu barədə məlumat təşkilatın “Facebook” səhifəsində paylaşılıb.
Məlumata görə, hüquq müdafiəçisi barəsində çıxarılan 4 aylıq azadlıqdan məhrumetmə cəzasını başa vurub və noyabrın 29-da cəza müddəti yekunlaşıb.
İttiham və məhkəmə prosesi
İyulun 29-da Binəqədi Rayon Məhkəməsində hakim Zamiq Bağırovun sədrliyi ilə keçirilən hazırlıq iclasında Fikrət Cəfərliyə Cinayət Məcəlləsinin 147.1-ci maddəsi (böhtan) ilə 4 ay həbs cəzası verilmişdi.
İttiham Vəkillər Kollegiyasının İntizam Komissiyasının üzvü, vəkil Elvin Əliyevin şikayəti əsasında irəli sürülmüşdü. Onun iddiasına görə, İşgəncələr Əleyhinə Araşdırmalar Mərkəzinin “Facebook” səhifəsində vəkilin keçmiş müvəkkilinə istinadən yalan məlumat yayılmışdı. Həmin məlumatda vəkilin müvəkkilindən 10 500 manat aldığı, lakin vəd etdiyi hüquqi yardımı göstərmədiyi və müvəkkili hədələdiyi qeyd olunurdu.
Fikrət Cəfərlinin mövqeyi
Fikrət Cəfərli ittihamı qəbul etmir və bildirir ki, sözügedən məlumat onun şəxsi fikri deyil. O, işin məhkəməyə çıxarılmasını Vəkillər Kollegiyasını tənqid etməsinə cavab və siyasi sifariş kimi qiymətləndirir.
