USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hacıqabulda 3 avtomobil toqquşdu – xəsarət alanlar var
Hacıqabul rayonunda ölümlə nəticələnməyən, lakin xəsarətlərlə müşayiət olunan yol-nəqliyyat hadisəsi baş verib.
Hadisə səhər saatlarında Hacıqabul–Bəhrəmtəpə–Mincivan avtomobil yolunun Hacıqabul rayonu ərazisindən keçən hissəsində qeydə alınıb. İlkin məlumata görə, “Qazel” markalı yük avtomobili ilə “Kia” markalı iki minik maşınının toqquşması nəticəsində qəza baş verib.
Qəza zamanı müxtəlif dərəcəli bədən xəsarətləri alan şəxslər Şirvan Şəhər Mərkəzi Xəstəxanasına yerləşdirilib, onlara tibbi yardım göstərilir.
Hadisə nəticəsində yoldan çıxan “Qazel” markalı avtomobilin yük yerində daşınan iribuynuzlu heyvan da tələf olub.
Faktla bağlı araşdırma aparılır.
