USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tehranda Əfqanıstan DİN generalının qatilinin saxlanıldığı bildirilib
İran hüquq-mühafizə orqanları Əfqanıstan Daxili İşlər Nazirliyinin generalı Əkraməddin Sarinin qətlində şübhəli bilinən şəxsi Tehranda saxlayıblar.
Bu barədə İran parlamentinin Milli Təhlükəsizlik və Xarici Siyasət Komitəsinin üzvü Fəda Hüseyn Maleki açıqlama verib. Onun sözlərinə görə, şübhəli şəxs İran paytaxtında keçirilən əməliyyat nəticəsində həbs olunub.
“General Əkraməddin Sarinin qətlində şübhəli bilinən şəxs Tehranda saxlanılıb. İran Əfqanıstanın təhlükəsizlik problemlərinin Tehrana və ya Məşhədə yayılmasına imkan verməyəcək”, – deyə Maleki bildirib.
Xatırladaq ki, 24 dekabr 2025-ci ildə Əfqanıstan Respublika Hökuməti dövründə Təxar əyalətinin keçmiş polis rəisləri Əkraməddin Sari və Almas Tehranın Vəli Əsr rayonunda silahlı hücuma məruz qalaraq öldürülüblər. Onlar Əfqanıstandan qaçan hərbçilərə hüquqi yardım göstərdikləri ofislərinin yaxınlığında güllələniblər.
Hadisə Əfqanıstan müxalifət dairələrində ciddi rezonans doğurub. Əfqanıstan Milli Müqavimət Cəbhəsi, sürgündə fəaliyyət göstərən Əfqanıstan İslam Cəmiyyəti Partiyası və Əfqan Azadlıq Cəbhəsi baş verənləri “Taliban” tərəfindən həyata keçirilən hədəfli qətllər kimi qiymətləndiriblər.
Həmin qurumlar İran hakimiyyətini hadisə ilə bağlı şəffaf və hərtərəfli istintaq aparmağa, eləcə də məsul şəxslərin cəzalandırılmasını təmin etməyə çağırıblar.
