USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsmayıl Qaani ilə bağlı iddialar yenidən gündəmdə
ABŞ və İsrailin İrana qarşı fevralın 28-dən başlayan hücumları davam etdiyi bir vaxtda İranın Ali Dini lideri də daxil olmaqla çox sayda yüksək rütbəli zabitin həlak olduğu bildirilir.
Hadisələr fonunda diqqət çəkən məqamlardan biri hücumlardan sağ çıxan şəxslərdən biri – İsmayıl Qaani olub. O, İran İnqilab Keşikçiləri Korpusunun (SEPAH) “Qüds” qüvvələrinin komandanıdır.
Məlumata görə, Qaani əvvəlki illərdə də İsrailin iki hücumundan sağ çıxıb. Bu fakt onun barəsində “agent” olması ilə bağlı iddiaların yenidən gündəmə gəlməsinə səbəb olub.
Qeyd edək ki, Qaani 2020-ci ildə öldürülən keçmiş “Qüds” qüvvələri rəhbəri Qasım Süleymaninin yerinə təyin olunub və İranın xarici əməliyyatlarına rəhbərlik edir.
Yayılan ittihamlara münasibət bildirən Qaani “Prosesin sonunda həqiqətlər ortaya çıxacaq” deyərək iddiaları təkzib edib.
Bununla yanaşı, sosial şəbəkələrdə onun SEPAH tərəfindən sorğu-sual edildikdən sonra edam olunduğu barədə iddialar da yayılıb. Lakin geniş rezonans doğuran bu məlumat İran rəsmiləri tərəfindən rəsmi şəkildə təkzib olunub.
