USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Naxçıvan Muxtar Respublikasına hücum nəticəsində 4 nəfər xəsarət alıb
İranın Naxçıvana dron hücumu nəticəsində 4 nəfər xəsarət alıb.
Bu barədə Naxçıvan Muxtar Respublikası Səhiyyə Nazirliyinə daxil olan müraciətlərə əsasən məlumat verilib. Sahib Abuzərov – Naxçıvan Muxtar Respublikası Xəstəxanasının Təcili Tibbi Yardım şöbəsinin müdiri bildirib ki, yaralılara ilkin tibbi yardım göstərilib və onların vəziyyəti stabildir.
Onun sözlərinə görə, xəsarət alanlardan iki nəfərə baş-beyin travması, digər iki nəfərə isə kürək nahiyəsinin küt travması diaqnozu qoyulub. Yaralılar müvafiq şöbələrə yerləşdirilib və müalicələri davam etdirilir.
Hücumun təfərrüatları
Azərbaycan Xarici İşlər Nazirliyinin məlumatına görə, martın 5-də günorta saatlarında İran ərazisindən Naxçıvan Muxtar Respublikasına iki dron hücumu həyata keçirilib.
Dronlardan biri Naxçıvan Beynəlxalq Hava Limanının terminal binasına, digəri isə Şəkərabad kəndində məktəb binasının yaxınlığına düşüb. Hücum nəticəsində hava limanının binasına zərər dəyib.
Azərbaycan Xarici İşlər Nazirliyi hadisəni qətiyyətlə pisləyərək bunun beynəlxalq hüququn norma və prinsiplərinə zidd olduğunu və regionda gərginliyin artmasına xidmət etdiyini bildirib.
Bununla yanaşı, İranın Azərbaycandakı fövqəladə və səlahiyyətli səfiri Müctəba Dərmiçilu Xarici İşlər Nazirliyinə çağırılıb. İran tərəfinə kəskin etiraz bildirilməsi və rəsmi etiraz notasının təqdim olunacağı qeyd edilib.
Azərbaycan tərəfi baş verən hadisə ilə bağlı müvafiq cavab tədbirləri görmək hüququnu özündə saxladığını bildirib.
