USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sərhəddə 12 kiloqrama yaxın narkotikin ölkəyə keçirilməsi cəhdi ifşa olunub
Dövlət Sərhəd Xidməti Azərbaycana külli miqdarda narkotik vasitənin keçirilməsi cəhdinin qarşısının alındığını açıqlayıb.
Məlumata görə, qurumun Sərhəd Qoşunları Komandanlığının “Horadiz” sərhəd dəstəsinin xidməti ərazisində keçirilən əməliyyat tədbirləri nəticəsində ümumilikdə 11 kiloqram 985 qram narkotik vasitə aşkar olunub.
Aşkarlanan narkotiklərin 7 kq 885 qramı heroin, 4 kq 100 qramı isə metamfetamin olub. Bundan əlavə, 20 ədəd psixotrop tərkibli Metadon M-40 həbi də götürülüb.
Bildirilib ki, narkotik vasitələr İran ərazisindən Azərbaycan istiqamətinə keçirilməyə cəhd göstərilib.
Faktla bağlı əməliyyat-istintaq tədbirləri davam etdirilir.
