USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Paşinyan: Axalkalaki–Qars dəmir yolu istifadəyə verildi
Nikol Paşinyan Ermənistanın iqtisadi və nəqliyyat əlaqələri baxımından mühüm hesab olunan Axalkalaki–Qars dəmir yolunun fəaliyyətə başladığını açıqlayıb.
Baş nazir bu barədə sosial şəbəkə hesabında paylaşım edərək bildirib ki, sözügedən marşrutla yanaşı, Azərbaycan dəmir yolu şəbəkəsi də Ermənistanın ixrac və idxal əməliyyatları üçün açıqdır. Onun sözlərinə görə, bu addım ölkənin iqtisadi həyatında əhəmiyyətli dönüş nöqtəsidir.
Paşinyan qeyd edib ki, Ermənistan artıq Gürcüstan və Azərbaycan ərazilərindən keçməklə Rusiya ilə, eləcə də Rusiya və Qazaxıstan üzərindən Çin ilə dəmir yolu bağlantısına malikdir. Yeni açılan istiqamət isə Türkiyə və Gürcüstan üzərindən Avropa İttifaqı ilə əlaqəni genişləndirir.
Hökumət başçısı əlavə edib ki, yaxın perspektivdə Ermənistan–Türkiyə və Ermənistan–Azərbaycan arasında birbaşa dəmir yolu əlaqələrinin bərpası, həmçinin Naxçıvan üzərindən İran ilə yeni marşrutun açılması planlaşdırılır.
Paşinyanın sözlərinə görə, bu proseslər “TRIPP” layihəsi çərçivəsində həyata keçiriləcək və regionda nəqliyyat-kommunikasiya imkanlarını əhəmiyyətli dərəcədə genişləndirəcək.
