USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycandan tranzit keçməklə Ermənistana yeni yük göndərilib
Rusiyadan Ermənistana Azərbaycan ərazisi vasitəsilə növbəti tranzit yük daşınması həyata keçirilib.
Məlumata görə, 2 vaqondan ibarət, ümumi çəkisi 126 ton olan karbamid və 1 vaqonda daşınan 67 ton un Azərbaycan Dəmir Yolları-nın Biləcəri Dəmiryol Stansiyasından yola salınıb.
Qatarın marşrutu üzrə yük əvvəlcə Böyük Kəsik Dəmiryol Stansiyasına çatacaq, daha sonra Gürcüstan üzərindən Ermənistan istiqamətində hərəkətini davam etdirəcək.
Bildirilib ki, indiyədək Rusiyadan Ermənistana Azərbaycan üzərindən tranzit daşımalar çərçivəsində 28 min tondan çox taxıl, 4 min tondan artıq gübrə, 133 ton alüminium və 68 ton qarabaşaq məhsulu göndərilib.
Bununla yanaşı, Azərbaycandan Ermənistana neft məhsullarının ixracı da davam edir. İndiyədək qonşu ölkəyə 10 min tondan çox dizel yanacağı, 979 ton Aİ-92 və 2955 ton Aİ-95 markalı benzin ixrac olunub.
