USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Binəqədidə yol polisinin saxla əmrinə tabe olmayan sürücü saxlanılıb
Binəqədi rayonu ərazisində axtarışda olan avtomobilin sürücüsü polis əməkdaşlarının qanuni tələblərinə əməl etmədiyi üçün saxlanılıb.
Bakı Şəhər Dövlət Yol Polisi İdarəsi-nin İctimaiyyətlə Əlaqələr Bölməsindən verilən məlumata görə, 99-QP-750 dövlət qeydiyyat nişanlı “Hyundai” markalı avtomobilə yol polisi əməkdaşları tərəfindən “saxla” işarəsi verilib.
Araşdırma zamanı müəyyən olunub ki, mühafizə olunan duracağa yerləşdirilməsi barədə qərar çıxarılmış və konstruksiya dəyişikliyi edilmiş nəqliyyat vasitəsini idarə edən 24 yaşlı Sabir Əliyev polis əməkdaşlarının qanuni tələblərinə tabe olmayaraq tabesizlik göstərib.
Görülən tədbirlər nəticəsində sürücünün qanunsuz hərəkətlərinin qarşısı alınıb və o, aidiyyəti üzrə ərazi polis şöbəsinə aparılıb.
Hazırda sürücü barəsində qanunvericiliyə uyğun hüquqi tədbirlərin görüldüyü bildirilib.
