USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Kəlbəcərdə hərbi qulluqçu həlak olub, bir nəfər yaralanıb
Kəlbəcər rayonunun Ömər aşırımı ərazisində xidməti vəzifələrini yerinə yetirən Azərbaycan Ordusunun hərbi qulluqçuları bədbəxt hadisə ilə üzləşiblər.
Müdafiə Nazirliyinin məlumatına görə, hərbi qulluqçular Mənsimli Rəcəb Miriş oğlu və Osmanov İlyas Coşqun oğlu bölgədə qarlı və buzlu hava şəraiti səbəbindən yıxılaraq dərəyə düşüblər.
Hadisə nəticəsində müxtəlif bədən xəsarətləri alan İlyas Osmanova ilkin tibbi yardım göstərilib və o, yaxınlıqdakı tibb müəssisəsinə təxliyə olunub. Hazırda vəziyyətinin stabil olduğu bildirilir.
Nazirlikdən verilən məlumata əsasən, Rəcəb Mənsimlinin həyatını xilas etmək mümkün olmayıb və o, aldığı xəsarətlərdən dünyasını dəyişib.
Müdafiə Nazirliyinin rəhbərliyi həlak olan hərbi qulluqçunun ailəsinə və yaxınlarına başsağlığı verib, yaralı hərbçiyə isə tezliklə sağalmasını arzulayıb.
Faktla bağlı araşdırma aparılır.
Allah rəhmət eləsin.
