USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Lavrov və Hakan Fidan Moskvada görüşdü
Moskvada Rusiya və Türkiyənin xarici işlər nazirləri Sergey Lavrov və Hakan Fidan arasında danışıqlar başlayıb.
Görüş Rusiya Xarici İşlər Nazirliyinin binasında keçirilib.
Hakan Fidan iyunun 15-dən 17-dək Rusiya paytaxtında səfərdədir. Danışıqlar zamanı tərəflərin regional və ikitərəfli əməkdaşlıq məsələlərini müzakirə edəcəyi gözlənilir.
Görüşün əsas mövzularından biri Yaxın Şərqdəki gərgin vəziyyət olacaq. Həmçinin Qara dəniz bölgəsində təhlükəsizlik, naviqasiya məsələləri və regiondakı son proseslər ətrafında fikir mübadiləsi aparılacağı bildirilir.
Nazirlərin Türkiyədə inşa olunan Akkuyu Atom Elektrik Stansiyasının layihəsinin gedişatı, eləcə də “Mavi Axın” və “Türk Axını” qaz kəmərlərinin fəaliyyəti ilə bağlı məsələləri də müzakirə edəcəyi gözlənilir.
Görüş Rusiya-Türkiyə münasibətlərində enerji, təhlükəsizlik və regional məsələlər üzrə dialoqun davamı kimi qiymətləndirilir.
