USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Polis bir gündə 42 şübhəlini saxlayıb
Azərbaycan polisi tərəfindən iyunun 17-də ölkə ərazisində törədilən və əvvəlki dövrlərdən bağlı qalan ümumilikdə 67 cinayətin açılması təmin edilib.
Daxili İşlər Nazirliyinin Mətbuat Xidmətinin məlumatına görə, ötən gün qeydə alınan 44, əvvəlki dövrlərdən bağlı qalan isə 23 cinayət hadisəsi üzrə araşdırmalar nəticə verib.
Bildirilib ki, axtarışda olan 148 nəfər saxlanılaraq aidiyyəti üzrə təhvil verilib. Onlardan 119-u borclu şəxs qismində axtarışda olub.
Əməliyyat tədbirləri zamanı narkotik vasitələrin qanunsuz dövriyyəsi ilə bağlı 15 fakt, qanunsuz saxlanılan silah-sursatın aşkarlanması və götürülməsi ilə bağlı isə 8 fakt müəyyən edilib.
Cinayət törətməkdə şübhəli bilinən 42 nəfər saxlanılıb. Faktlarla bağlı araşdırmalar davam etdirilir.
