USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DİN: Bir gündə 27 şübhəli şəxs saxlanılıb
Polis əməkdaşlarının həyata keçirdiyi əməliyyat-axtarış tədbirləri nəticəsində iyunun 8-də ölkə üzrə qeydə alınan və əvvəlki dövrlərdən açılmamış qalan bir sıra cinayətlərin üstü açılıb.
Daxili İşlər Nazirliyinin Mətbuat Xidmətinin məlumatına görə, son sutka ərzində qeydə alınan 25 cinayətin, eləcə də əvvəlki dövrlərdən bağlı qalmış 4 cinayətin açılması təmin edilib.
Həmçinin axtarışda olan şəxslərin saxlanılması istiqamətində keçirilən tədbirlər nəticəsində ümumilikdə 193 nəfər tutulub. Onlardan 164-ü borclu şəxs qismində axtarışda olub.
Polis tərəfindən narkotiklərlə əlaqəli 10 fakt aşkarlanıb, qanunsuz saxlanılan silah-sursatın götürülməsi və aşkar edilməsi ilə bağlı isə 14 fakt qeydə alınıb.
Məlumata əsasən, müxtəlif cinayət əməllərini törətməkdə şübhəli bilinən 27 nəfər saxlanılaraq istintaqa təhvil verilib.
