USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rusiya Gümrüdəki hadisəyə görə Ermənistana etiraz notası göndərib
Rusiya Gümrü şəhərində Böyük Vətən Müharibəsi qəhrəmanlarının xatirəsinə ucaldılmış abidə kompleksinin təhqir edilməsi ilə bağlı Ermənistana etiraz notası təqdim edib.
Bu barədə Rusiya Xarici İşlər Nazirliyinin sözçüsü Mariya Zaxarova brifinq zamanı məlumat verib.
Zaxarova bildirib ki, hadisə sadəcə xuliqanlıq kimi qiymətləndirilə bilməz və Moskvanın fikrincə, bu, iki ölkənin ortaq tarixi yaddaşına qarşı yönəlmiş addımdır.
“Bu küfr əməli sadəcə xuliqanlıq deyil, ölkələrimizin ortaq tarixi yaddaşına qarşı hücum və Böyük Qələbəni ləkələmək cəhdidir. Buna görə Ermənistan tərəfinə etiraz notası göndərmişik”, – deyə Rusiya XİN nümayəndəsi bildirib.
Rusiya rəsmisi həmçinin Ermənistan mediasında hadisənin arxasında Moskvanın dayandığı barədə yayılan iddialara münasibət bildirib. O, bu versiyaları rədd edərək, həmin məlumatları “uydurma və yalan” adlandırıb.
“Bəzi informasiya resurslarının hadisəni qəsdən törədilmiş təxribat kimi təqdim etmək cəhdlərini müşahidə etmişik. Rusiyanın belə bir addım ata biləcəyi barədə iddialar həqiqətə uyğun deyil”, – Zaxarova qeyd edib.
Gümrüdəki hadisə Rusiya-Ermənistan münasibətlərində onsuz da gərginliyin artdığı bir dövrdə baş verib. Tərəflər son illərdə təhlükəsizlik, tarixi yaddaş və siyasi məsələlərlə bağlı bir sıra fikir ayrılıqları yaşayırlar.
