USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Milli Məclis qumar oyunlarına görə cəzaları sərtləşdirib
Milli Məclis qumar oyunları ilə bağlı qanunvericiliyə dəyişiklik edərək cəzaları sərtləşdirib.
Parlamentin iyulun 10-da keçirilən iclasında müzakirəyə çıxarılan dəyişikliklər üçüncü oxunuşda qəbul edilib.
Yeni qaydalara əsasən, internet, mobil rabitə şəbəkələri, sosial media və digər texnoloji platformalar vasitəsilə qumar oyunları təşkil edən şəxslər iki ildən dörd ilədək azadlıqdan məhrum edilə bilərlər. Bundan əlavə, onlar qumar nəticəsində əldə etdikləri gəlirin iki mislinədək məbləğdə cərimələnəcəklər.
Hazırda qüvvədə olan qanunvericilikdə isə bu əmələ görə 10 min manatdan 15 min manatadək cərimə və ya iki ildən üç ilədək azadlıqdan məhrumetmə cəzası nəzərdə tutulur.
Dəyişikliklər qumar oyunlarında iştirak edən şəxslərə münasibətdə də cəzaları sərtləşdirir. Belə ki, bir il ərzində təkrar qumar oynayan şəxsin qazancı müsadirə olunacaq, o, 5 min manat məbləğində cərimələnəcək və işin hallarından asılı olaraq 15 sutkayadək inzibati həbs cəzası da ala biləcək.
Mövcud qanunvericiliyə əsasən isə qumar oynayan şəxslər 3 min manat cərimə edilir və əldə olunan qazanc müsadirə olunur.
