USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Türkiyədə ağır cinayətlərdə axtarılan şəxs Bakıda saxlanıldı
Türkiyədə bir sıra ağır cinayətlərdə ittiham olunan və barəsində həbs qərarı çıxarılan Ö.A.K. Bakıda saxlanılaraq Türkiyəyə aparılıb.
Bu barədə Türkiyənin Daxili İşlər Nazirliyi məlumat yayıb.
Bildirilib ki, əməliyyat Türkiyə Təhlükəsizlik Baş İdarəsinin Mütəşəkkil Cinayətkarlıqla Mübarizə İdarəsi və Baş Prokurorluğun koordinasiyası, İstanbul polisinin müvafiq strukturları və Azərbaycan polisi ilə əməkdaşlıq şəraitində həyata keçirilib.
Araşdırmalara əsasən, Ö.A.K.-nın müəssisələrə silahlı hücumların təşkilində və iş adamlarından hədə-qorxu yolu ilə pul tələb etməkdə ittiham olunan “yeni nəsil cinayətkar təşkilat”ın üzvləri ilə əlaqəli olduğu bildirilir.
Türkiyə hüquq-mühafizə orqanlarının məlumatına görə, Ö.A.K. barəsində qəsdən adam öldürmə, narkotik vasitələrin alınması, saxlanması və istifadəsi, həmçinin lisenziyasız odlu silah və sursatın əldə edilməsi və ya daşınması ilə bağlı ittihamlar üzrə həbs qərarı çıxarılıb.
Birgə əməliyyat nəticəsində axtarışda olan şəxsin Bakıda olduğu müəyyən edilib. O, Azərbaycan polisi tərəfindən saxlanılıb və Türkiyəyə aparılması təmin olunub.
Türkiyə Daxili İşlər Nazirliyi əməliyyatda göstərilən əməkdaşlığa görə Azərbaycan polisinə və digər aidiyyəti qurumlara təşəkkür edib.
