USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sabah Bakıda və bölgələrdə güclü külək əsəcək – Narıncı xəbərdarlıq verildi
Avqustun 16-da Bakı, Abşeron yarımadası və Azərbaycanın bir sıra bölgələrində güclü külək gözlənilir.
Milli Hidrometeorologiya Xidməti bununla əlaqədar sarı və narıncı xəbərdarlıq elan edib.
Bakıda və Abşeron yarımadasında şimal-qərb küləyinin güclənəcəyi proqnozlaşdırılır.
Naxçıvan MR, Cəbrayıl, Zəngilan, Füzuli, Ağdam, Mingəçevir, Yevlax, Tərtər, Bərdə, Cəlilabad, Biləsuvar, Gədəbəy, Göygöl, Ağstafa, Gəncə, Tovuz, Şəmkir, Samux, Qazax, Beyləqan, Şirvan, Salyan, Qobustan, İmişli, Saatlı, Sabirabad, Neftçala, Hacıqabul, Xaçmaz, Siyəzən, Şabran, Quba, Xızı və Qusarda sarı xəbərdarlıq qüvvədə olacaq. Bu ərazilərdə küləyin sürətinin saniyədə 13,9–20,7 metrə çatacağı gözlənilir.
Goranboy, Naftalan və Daşkəsən üçün isə narıncı xəbərdarlıq verilib. Bu ərazilərdə şərq küləyinin sürətinin saniyədə 20,8–28,4 metrədək güclənəcəyi proqnozlaşdırılır.
Sakinlərə güclü külək zamanı ehtiyatlı olmaq tövsiyə edilir.
