USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
TƏBİB-də yeni kadr dəyişiklikləri: İki rəhbər vəzifədən azad edildi
Tibbi Ərazi Bölmələrini İdarəetmə Birliyində (TƏBİB) struktur və kadr dəyişiklikləri davam edir.
Məlumata görə, TƏBİB-in İcraçı direktoru Anar Bayramov bununla bağlı müvafiq əmrlər imzalayıb.
Dəyişikliklərə əsasən, TƏBİB-in Beynəlxalq əlaqələr departamentinin bazasında Beynəlxalq əlaqələr şöbəsi yaradılıb. Bayramov Atilla-Turan Nuru oğlu yeni yaradılan şöbənin müdiri təyin edilib.
Müraciətlərlə iş departamenti isə İnzibati idarəetmə departamenti ilə birləşdirilib. Bununla əlaqədar İlham Hüseynov Müraciətlərlə iş departamentinin rəhbəri vəzifəsindən azad edilib.
Birləşdirilmiş İnzibati idarəetmə və müraciətlərlə iş departamentinə Elvin Bayramov rəhbərlik edəcək.
Digər əmrlə Təlim və tədqiqatlar departamentinin rəhbəri Teymur Mirzəbəyli də vəzifəsindən azad olunub. Onun yerinə Elza Əfəndiyeva departament rəhbəri təyin edilib.
Beləliklə, TƏBİB-də aparılan dəyişikliklər həm struktur bölmələrinin yenidən təşkilini, həm də bir sıra rəhbər vəzifələrə yeni təyinatları əhatə edib.
