Futbol üzrə Polşa çempionatında 18-ci turun oyunları keçirilib. Milli.Az matc.az-a istinadən bildirir ki, azərbaycanlı hücumçu Mahir Emrelinin formasını geyindiyi "Legiya" da növbəti matçına çıxıb.

Varşava təmsilçisi səfərdə Azərbaycan millisinin digər üzvü Anton Krivotsyukun komandası - "Visla" (Plotsk) ilə üz-üzə gəlib. Qarşılaşma meydan sahiblərinin qələbəsiylə başa çatıb - 1:0.

Qəzəblənən azarkeşlər futbolçulara hücum edib. İki futbolçu ciddi xəsarət alıb. Onlardan birinin Mahir Emreli olduğu deyilir.

Polis məsələyə araşdırır. Klubun baş məşqçisi istefa verib.

Mahir də bu görüşün iştirakçısı olub. O, start heyətdə meydana çıxıb və 73-cü dəqiqədə əvəzlənib.

Krivotsyuk isə sarı vərəqə limitini doldurduğu üçün bu görüşdə forma geyinməyib.

"Visla" 18 oyuna topladığı 26 xalla 18 kollektiv arasında 7-cidir. "Legiya" isə 12 xalla sonuncu pillədə qərarlaşıb.