Çinin Vaşinqtondakı səfirliyi ABŞ-ın Pekin Oyunlarını diplomatik yolla boykot etmək qərarını siyasi manipulyasiya və Olimpiya ruhunun təhrifi adlandırıb.
Ağ Ev Pekində keçiriləcək Qış Olimpiya Oyunlarına rəsmi nümayəndə heyəti göndərməyəcəyini açıqlayıb. Bu, amerikalı idmançıların iştirakına şamil edilmir.
Diplomatik nümayəndəliyin RİA Novosti-yə verdiyi məlumata görə, boykot “heç nədən yaranıb”, çünki heç kim ABŞ-dan siyasətçiləri müsabiqəyə dəvət etməyib.
“Əslində, bu insanların gəlib,gəlməməsi heç kimin vecinə deyil və bu, 2022-ci il Qış Olimpiya Oyunlarının uğurla keçirilməsinə heç bir şəkildə təsir etməyəcək”, - diplomatlar əlavə ediblər.
Sincandakı vəziyyətlə əlaqədar Aİ, ABŞ, Kanada və Böyük Britaniya uyğurların hüquqlarını pozmaqda, etnik azlıqlara təzyiq göstərməkdə və məcburi əməyə cəlb etməkdə ittiham olunan Çinə qarşı sanksiyalar tətbiq edib. ABŞ-da onlar hesab edirlər ki, hakimiyyətin bu xalqın nümayəndələrinə qarşı hərəkətləri soyqırım kimi qiymətləndirilə bilər. Pekin isə bütün ittihamları qəti şəkildə rədd edir.