Paylayıcı şəbəkədə ümumilikdə təxminən 8% səviyyəsində qaz itkiləri baş verir. Şəbəkənin 100%-i sayğaclaşıb. Qaz şəbəkəsinin mövcud ötürmə gücü 1,56 milyon m³/saat, paylama nöqtəsində gücü isə 1,3 milyon m³/saat təşkil edir. Hazırda Abşeron yarımadasında qaz istehlakı 1,05 milyon m³/saat təşkil edir.

Bu, Bakı şəhərinin 2040-cı ilədək inkişafına dair Baş planında əksini tapıb.

Baş Plan çərçivəsində qaz təchizatı ilə bağlı verilən təkliflərdə “Azəriqaz” İB-nin planlaşdırma təklifləri nəzərə alınıb. Burada Baş Plan çərçivəsində təklif olunan inkişaf əraziləri və əhalinin proqnoz edilən sayı (2,62 milyon nəfərdən 3,17 milyon nəfərədək artımı gözlənilir) nəzərə alınıb.

Bundan başqa, baş planda qeyd olunur ki, 1 ev təsərrüfatının qaz tələbatı ildə təxminən 9 590 kVt/saat təşkil edir.

Qeyd edək ki, “Azəriqaz” İstehsalat Birliyi həyata keçirir. İstehsalat Birliyi 2,3 milyondan çox istehlakçını təbii qazla təmin edir. Baş Plan ərazisinin qaz təchizatı 524 km-lik yüksək təzyiqli qaz sistemi vasitəsilə təmin olunur. Şəhərin 37 barlıq ötürmə şəbəkəsi Sumqayıt İES və Şimal ES-i, habelə bir neçə stansiyanı (o cümlədən Qaradağ və Qum adası) qidalandırır. Təbii qaz bu mənbələrdən 25 bar və 10 barlıq orta təzyiqli qaz şəbəkəsinə paylanır. Bundan sonra 3 barlıq (orta təzyiq) və 0,05 barlıq (aşağı təzyiq) paylayıcı qaz sistemlərinə ötürür. Hazırda şəbəkənin ümumi uzunluğu 10 919 km-dir.
Qeyd edək ki, qaz xətlərinin 2187 km-i yeraltı xətlərdir.