USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Naxçıvanda “yaşıl nəqliyyat”a keçid sürətlənir: hibrid avtomobillər 3 dəfə artıb
Naxçıvan Muxtar Respublikasında nəqliyyat parkı genişlənməkdə davam edir.
Naxçıvan Dövlət Statistika Komitəsinin məlumatına görə, 2026-cı ilin əvvəlinə qeydiyyatda olan nəqliyyat vasitələrinin sayı 56 min 510-a çatıb. Bu, ötən illə müqayisədə 10,3 faiz artım deməkdir.
Strukturda əsas payı minik avtomobilləri təşkil edir – onların sayı 47 min 86-ya yüksələrək 11,5 faiz artıb. Bundan başqa, muxtar respublikada 7 384 yük avtomobili, 1 031 avtobus, 519 xüsusi təyinatlı və təcili tibbi yardım maşını, eləcə də 490 pikap və furqon qeydiyyatdadır.
Hesabat dövründə diqqət çəkən əsas məqam isə “yaşıl nəqliyyat”ın sürətlə yayılmasıdır. Belə ki, hibrid mühərrikli minik avtomobillərinin sayı bir il ərzində 797-dən 2 440-a yüksələrək təxminən 3 dəfə artıb. Elektrik avtomobillərinin sayı da artaraq 220 ədədə çatıb.
